2016 оны 4-р сарын 04-06-ны өдрүүдэд  Улаанбаатар хотноо зохион байгуулагдсан Монгол Улсад Нийгмийн Эгэх хариуцлагыг бэхжүүлэх төслийн төлөвлөлтийн семинарт аймгийн Иргэдийн Төлөөлөгчдийн Хурлын дарга Ч.Чимэд, ЗДТГ-ын дарга Г.Болор-Эрдэнэ нар оролцсон билээ.

“Монгол Улсад Нийгмийн Эгэх Хариуцлагыг Бэхжүүлэх төсөл” гэдэг нь Швейцарын Хөгжлийн Агентлаг, Дэлхийн банкны хамтарсан санхүүжилтээр “Эрүүл мэнд”, “Боловсрол”-ын салбарт хэрэгжих бөгөөд төслийн нийт санхүүжилт нь 3 сая америк доллар бөгөөд төсөл 2015-2019 оны хооронд хэрэгжих ба 10-н аймаг, нийслэлийн 3 дүүрэгт хэрэгжихээр сонгогдсон ба Увс аймаг уг төслийг хэрэгжүүлэх  зорилтот бүлгээр сонгогдсон байна.

Нийгмийн Эгэх хариуцлах гэдэг нь иргэн, иргэний нийгмийн байгууллагын зүгээс шууд болон шууд бус замаар төрд хариуцлага тооцохыг хэлэх бөгөөд төр, хэвлэл мэдээлэл, хувийн хэвшил, хандивлагч байгууллагууд зэрэг оролцогч талуудын хариуцан тайлагнах, хариуцлага тооцох үйл явцтай холбогдох бүхий л үйл ажиллагааг хамааруулдаг.

Удахгүй сургалт болон төслийн талаар холбогдох байгууллагад мэдээлэл хийх юм байна.