“ИРГЭНИЙ ОРОЛЦООНЫ ТУХАЙ ХУУЛЬ”-ИЙН ТӨСЛИЙН ХЭЛЭЛЦҮҮЛЭГ БОЛЛОО

ГОВЬ-АЛТАЙ АЙМГИЙН ИТХ-ЫН АЛБАН ЁСНЫ ЦАХИМ ХУУДАС

"Нутгийн өөрөө удирдах байгууллагын чадавхийг бэхжүүлэх нь" төслөөс санаачлан бүтээв. "Нутгийн өөрөө удирдах байгууллагын чадавхийг бэхжүүлэх нь" төслөөс санаачлан бүтээв.

“ИРГЭНИЙ ОРОЛЦООНЫ ТУХАЙ ХУУЛЬ”-ИЙН ТӨСЛИЙН ХЭЛЭЛЦҮҮЛЭГ БОЛЛОО

2015-05-25

“Иргэний оролцооны тухай” хуулийн төслийн уулзалт, хэлэлцүүлэг өнөөдөр “Бишрэлт” зочид буудлын хурлын танхимд эхэллээ. Хэлэлцүүлгийг Чингэлтэй дүүргийн Иргэдийн Төлөөлөгчдийн Хурал, Засаг даргын Тамгын газраас хамтран зохион байгуулсан юм.
Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ Хэлэлцүүлгийг нээж үг хэллээ. Тэрээр Иргэний оролцооны хэлтэс, Иргэний танхим байгуулагдаад 2 жил орчим хугацаанд Нийслэл Улаанбаатар хотын хэмжээнд иргэдийн оролцох оролцоо, шинээр хийж хэрэгжүүлж, байгаа ажлын ахиц дэвшил нэлээн гарч байгаа.
Өнөөдрийн энэхүү уулзалт хэлэлцүүлгийг амжилттай зохион байгуулж, хэлэлцүүлгээс гарах үр дүн маань Улаанбаатар хотын хэмжээнд тэр дундаа , Иргэний танхимуудаар дамжиж, иргэдэд эерэг сайн тал болж хүрээсэй гэж хүсч байна, гээд хэлэлцүүлэгт оролцогчдод амжилт хүслээ.

Дараа нь Чингэлтэй дүүргийн Иргэний оролцооны хэлтсийн дарга Т.Уламбаяр Иргэдийн оролцоог хангах чиглэлээр зохион байгуулсан ажил, Иргэний танхимын үйл ажиллагааны талаар, товч танилцуулж, харилцан мэдээлэл солилцлоо.
Мөн Монгол Улсын Ерөнхийлөгчийн Иргэдийн оролцоо, эдийн засгийн бодлогын зөвлөх Л.Дашдорж “Иргэний оролцооны тухай хууль”-ийн төслийг танилцуулж , оролцогчид асуулт асуун, саналаа хэлсэн.
Энэ удаагийн хэлэлцүүлэгт Нийслэл, дүүргүүдийн Иргэдийн Төлөөлөгчдийн Хурлын Ажлын албаны Иргэний оролцооны хэлтэс, Иргэний танхимуудын ажилтнууд оролцлоо.