Дүүргийн 2014 оны жилийн эцсийн санхүүгийн нэгтгэсэн тайланд улсын төсвийн тусгай шилжүүлгийн 86 байгууллага, орон нутгийн 8, 7 зардал, Орон нутгийн өмчит аж ахуйн тооцоот үйлдвэрийн газар-2 нийт 103 байгууллагын санхүүгийн тайлан нэгтгэгдсэн байна.

Нийслэлийн Аудитын газраас Чингэлтэй дүүргийн 2014 оны санхүүгийн тайланг холбогдох хууль, сангийн сайдын баталсан заавар, журам, олон улсын секторын нягтлан бодох бүртгэлийн дагуу материаллаг алдаагүй, үнэн, зөв илэрхийлэгдсэн гэж дүгнэн “зөрчилгүй санал, дүгнэлт” гэсэн үнэлгээ өгчээ.