.jpg){kind=logo}
Монгол хэлний тухай хуульд 2025 оны 01 дүгээр сарын 01-ний өдрөөс эхлэн төрийн захиргааны болон нутгийн өөрөө удирдах байгууллага Төрийн албан хэргийг хос бичгээр хөтөлнө гэж заасан.
Энэ хүрээнд хууль тогтоомжийн хэрэгжилтийг эрчимжүүлж, төрийн албан хаагчийн үндэсний бичгээр албан хэрэг хөтлөх ур чадвар, мэдлэгийг нэмэгдүүлэх зорилгоор аймгийн ИТХ-ын Ажлын албаны мэргэжилтнүүд болон ЗДТГ-ын бичиг хэргийн ажилтнууд "Монгол бичгийн цахим бичвэрийн хэрэглээ"-ний 2 өдрийн сургалтад хамрагдлаа.
Сургалтыг МУИС-ийн Баруун бүсийн сургуулийн багш, доктор, дэд проф. Г.Нямдаваа, ЕБ-ын 1-р сургуулийн багш Г.Ариун-Эрдэнэ нар орж, Монгол бичгийн цахим бичвэрийн хэрэглээнд анхаарах асуудлуудын талаар мэдээлэл, арга зүй өгөв.
Тус сургалтаар монгол бичгийн гарыг хэрхэн суулгах, хэрэглэх, албан бичгийг стандартын дагуу төлөвлөх, хэвлэх, хөрвүүлгийн цахим сайтыг оновчтой ашиглах, арга зүй, ур чадварыг дээшлүүлэх ач холбогдолтой юм. Ингэснээр ямар ч бичгийг стандартын дагуу зөв төлөвлөх боломжтой болж байна.
