.jpg){kind=logo}
Өнөөдөр (2024.11.21) аймгийн ИТХ-ын дарга Зуноровын Эрхбаяр, аймгийн Засаг дарга Morkh Amarsanaa, аймгийн Засаг даргын орлогч Энхээгийн Уртнасан нар Ховд аймагт үйл ажиллагаа явуулж байгаа банкны салбарын удирдлагуудтай уулзлаа.Аймгийн Засаг дарга Morkh Amarsanaa ирэх дөрвөн жилд баялаг бүтээгчид, хувийн хэвшлийнхийг дэмжиж ажиллахаар А/01 тоот захирамж гаргаж, албан байгууллагын удирдлагуудтай уулзах үеэрээ хувийн хэвшил, баялаг бүтээгчдийг дэмжих чиглэлээр гаргасан захирамжийг хэрэгжүүлэхэд анхаарч хамтран ажиллахыг ч мөн зөвлөж, чиглэл өгсөн.Тэгвэл өнөөдрийн уулзалтаар Ховд аймагт үйл ажиллагаа явуулж байгаа банкны салбарын удирдлагууд, эдийн засагч нартай уулзаж, хувийн хэвшлийг дэмжин ажиллахад хэрхэн хамтран ажиллах талаар санал солилцлоо.Ховд аймагт Монгол банк, Хаан банк, Хас банк, Төрийн банк, Капитрон банк, Голомт банкны салбар, харьяа 46 нэгж үйл ажиллагаа явуулж байна.Цаашид аймаг орон нутгаас бизнес эрхлэгчдийг дэмжих чиглэлээр гаргах аливаа шийдвэрийг арилжааны банкиуд дэмжин хамтран ажиллах боломжтой гэдгээ илэрхийллээ.Аймгийн ЗДТГ-аас “Ажлын хэсэг” гаргаж, тодорхой судалгаа хийж, төлөвлөгөө боловсруулах юм.
