.jpg){kind=logo}
Аймгийн ИТХ-ын Ажлын албанаас “Хороодын өдөрлөг” арга хэмжээний удирдамжийн дагуу Дэд бүтэц, хот байгуулалтын хөгжлийн хорооны гишүүд өнөөдөр (2024.10.28) аймгийн Шим УС ОНӨААТҮГ-ын үйл ажиллагаатай танилцлаа.
Тус арга хэмжээний эхэнд аймгийн ИТХ-ын төлөөлөгчдөд “Шим-Ус” ОНӨААТҮГ-ын үйл ажиллагааны тайлан, мэдээлэл, цаашдын зорилт, тулгамдсан асуудлуудын тухай мэдээллийг тус байгууллагын удирдлага, инженерүүд танилцуулсан юм.
"Шим-Ус" ОНӨААТҮГ нь улсын болон орон нутгийн төсвөөр, мөн байгууллагынхаа нөөц боломжуудыг ашиглан шугам сүлжээ, техник, технологийн шинэчлэлтийн ажлыг хийж, тодорхой сайн үр дүнд хүрсэн тухай танилцууллаа.
Мөн Шим Ус ОНӨААТҮГ-ыг “ХХК” болгох хэрэгтэй байгаа талаар болон Шинэ цэвэрлэх байгууламжийг барьж байгуулах талаар аймгийн шинэ удирдлагууд, төлөөлөгчид анхаарч, дэмжиж ажиллах талаар аймгийн ИТХ-ын дарга Зуноровын Эрхбаяр болон Дэд бүтэц, хот байгуулалтын хөгжлийн хорооны гишүүдэд уламжилж, төлөөөлөгчдийн асуултад хариулж, мэдээлэл өглөө.
