Хуралдааныг Чингэлтэй дүүргийн иргэдийн Төлөөлөгчдийн Хурлын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Мөнхбат удирдан явуулж, хэлэлцэх асуудлын төлөвлөгөөнд тусгагдсан 6 асуудлыг хэлэлцэн холбогдох тогтоол, шийдвэрийг гаргаж ажиллалаа.Үүнд:

-Дүүргийн хороодын сайн дурын иргэдийн зөвлөлийн эргүүлийн ажлын үнэлгээ,

-“Хамтдаа сэрэмжилж-Аюулгүй аялцгаая” нөлөөллийн аян зохион байгуулах тухай,

-Дүүргийн Цагдаагийн байгууллагын үйл ажиллагаанд дэмжлэг үзүүлж, зарим техник хэрэгслээр хангах тухай,

-Дүүргийн Замын цагдаагийн хэлтсийн үйл ажиллагаанд дэмжлэг үзүүлэх тухай,

-“Шугаман эргүүл-хар хэсэг” хяналт шалгалт, нөлөөллийн аян зохион байгуулах тухай зэрэг асуудлуудыг хэлэлцэж шийдвэрлэлээ.

Мөн дүүргийн 2024 оны 6 дугаар сарын Эрүү, хэв журмын нөхцөл байдлын талаарх дүүргийн Цагдаагийн газрын мэдээллийг сонслоо.