.jpg){kind=logo}
Өнөөдөр /2024.05.02/ Чингэлтэй дүүргийн иргэдийн Төлөөлөгчдийн Хурлын Ажлын албанаас санаачлан “Хөгжлийн бэрхшээлтэй иргэдэд тэгш боломжийг олгоё” аяны хүрээнд харааны бэрхшээлтэй хүүхдүүд суралцдаг ерөнхий боловсролын 116 дугаар сургуулийн Чингэлтэй дүүргийн харьяат 6 сурагчдад хичээлийн хэрэгсэл /самбар, шивүүр, дэвтэр, бал/-ийн дэмжлэг үзүүллээ.
Ерөнхий боловсролын 116 дугаар сургууль нь анх 1964 онд нийслэлийн 29 дүгээр сургуулийн 1 бүлэгт харааны бэрхшээлтэй хүүхдүүдийг сургах зорилгоор сургалтаа эхэлж байсан бөгөөд 2004 оноос бие даасан сургууль болон байгуулагдсан. Одоогоор тус сургуульд 9 дүүрэг, 21 аймгаас нийт 132 хүүхэд суралцаж байна.
ХУРЛЫН АЖЛЫН АЛБА
