.jpg){kind=logo}
Иргэдийн хөдөлмөр бүтээлийг орон нутгийн иргэдэд танилцуулах, сурталчлах, орлогыг нь дэмжих зорилгоор “БҮТЭЭЛЧ УВСЧУУД- 2023” үзэсгэлэн худалдааг Увс аймгийн Хөдөлмөр халамж, үйлчилгээний газраас зохион байгуулж, Хөдөлмөр эрхлэлтийг дэмжих сангаас төсөл хөтөлбөрт хамрагдсан иргэд өөрсдийн бүтээгдэхүүнээр оролцож байна.
Тус үзэсгэлэн худалдаанд Увс аймгийн 19 сумын төлөөлөл 200 гаруй иргэн оролцож байгаа бөгөөд 2023 онд Увс аймаг Жижиг зээлд 1,3 тэрбум төгрөг, санхүүгийн дэмжлэгт 1,7 тэрбум төгрөг олгож, нийт 635 байнгын ажлын байр бий болгож ажилласан.
Мөн аймгийн хэмжээнд 2000 шинэ ажлын байрыг бүртгэж, 1200 иргэнийг холбогдох ажлын байранд зуучилсан бөгөөд ажилгүйдлийн түвшин 4,2 хувь буюу сүүлийн 3 жилийн дунджаас 4,4 пунктаар буурсан үр дүнтэй байна.
