Төрийн албаны зөвлөлийн ажлын албаны дарга Б.Алтанзул, ТАЗ-ийн газрын дарга Б.Оюуннасан, Архивын Ерөнхий Газрын улсын байцаагч Ч.Лхагвадорж, АЕГ-ийн сан хөмрөгийн эрхлэгч Ш. Эрдэнэбат нарын бүрэлдэхүүнтэй "Төрийн байгууллагын ажлын зохион байгуулалт, архив, албан хэрэг хөтлөлтийн улсын үзлэг"-ийг зохион байгуулах ажлын хэсэг Давст суманд ажиллалаа.

Дөрвөн жилд нэг удаа явагддаг энэхүү улсын үзлэг Засгийн газрын 150-р тогтоолын дагуу Монгол улсын ерөнхий сайд У.Хүрэлсүхийн захирамжаар томилогдсон ажлын хэсэг ажиллаж байгаа бөгөөд гол зорилго нь төрийн байгууллагуудын ажлын зохион байгуулалт, архив, албан хэрэг хөтлөлтийн талаарх хууль тогтоомжийн хэрэгжилтийг шалгах, архив, албан хэрэг хөтлөлтийн үйл ажиллагааны түвшинг тогтоож, дүгнэлт хийх, түүний үндсэн дээр цаашид авах арга хэмжээний чиглэлийг тодорхойлоход оршиж байна.