БСШУСЯ, СУИС-ын дэргэдэх Соёл судлалын хүрээлэнгээс хамтран хэрэгжүүлж буй “Соёлын үйлчилгээний хүртээмж” төслийн хүрээнд баруун бүсийн соёлын ажилтнуудын уулзалт, зөвлөгөөн Увс аймагт зохион байгуулагдаж байна. Зөвлөгөөнд Увс аймгийн ЗДТГ-ын НБХ-ын дарга С.Амраа, БСУГ-ын дарга С.Дашням, СУИС-ын соёл, урлаг судлалын хүрээлэнгийн захирал доктор Ш. Эрдэнэцэцэг, МУИС-ын зөвлөх профессор Т.Дорждагва болон Баян-Өлгий, Ховд, Увс аймгийн боловсрол, соёлын газрын соёлын асуудал хариуцсан мэргэжилтнүүд, сумдын соёлын төвийн эрхлэгчид нийт 50 гаруй төлөөлөгчид оролцлоо. 

Тус зөвлөгөөнөөр: 
- Соёл урлагийн салбарын өнөөгийн байдал, шийдэл
- Соёлын үйлчилгээний хүртээмж, чанар, соёлын төрөл зүйл
- Соёлын ажлын төрөл зүйлд бүс нутгийн онцлогийг харгалзах нь
- Олон улсын соёлын үйлчилгээний үнэлгээний аргачлал, заавар
- Соёлын байгууллагын стандартын асуудал
- Музейн үзмэр, соёлын өвийн хадгалалт хамгаалалт зэрэг сэдвүүдийг хэлэлцэн, ойрын жилүүдийн үйл ажиллагааны зорилтыг тодорхойлж, зөвлөмжийн төсөл боловсруулан цаашид үйл ажиллагаандаа тусган ажиллах юм.