.jpg){kind=logo}
Зүүн бүсийн сумдын Боловсрол, Соёл, Эрүүл мэндийн байгууллагуудын 2 дахь удаагийн “Туршлага судлах, зөвлөлдөх уулзалт” 09 сарын 17-18-ний өдрүүдэд Хяргас суманд амжилттай зохион байгуулагдаж өндөрлөлөө.
Зөвлөгөөний нэгдсэн хуралдаанд аймгийн ИТХ-ын дарга Э.Насанбат - Нийгмийн салбарын өнөөгийн байдал, хөрөнгө оруулалт, бүтээн байгуулалтын ажлууд, БСУГ-ын ахлах мэргэжилтэн И.Ганболд – 2017 оны зөвлөлдөх уулзалтаас шалгарсан тэргүүн туршлагын үр дүн хэрэгжилтийн талаар БСУГ-ын мэдээлэл, ЭМГ-ын дарга Ц.Отгонбаяр - 2017 оны зөвлөлдөх уулзалтаас шалгарсан тэргүүн туршлагын үр дүн хэрэгжилтийн талаар ЭМГ-ын мэдээлэл, Сумдын Засаг дарга нар Нийгмийн салбарын байгууллагуудын ажлын ахиц, амжилт, хөрөнгө оруулалтын талаарх илтгэлүүдийг тус тус танилцууллаа.
ЕБС-ийн салбар хуралдааныг Сургуулийн дотуур байрны “Монгол зан үйлийн амьдрах ухааны өргөө”-өөр дамжуулан хүүхдийг хөгжүүлэх, хүмүүжүүлэх, сургах арга зүй сэдвээр, СӨБ-ын салбар хуралдааныг “Багшийн хөгжлийг дэмжих, сургалтын шинэлэг, бүтээлч арга зүйг нэвтрүүлсэн байдал” сэдвээр, ЭМТ-ийн салбар хуралдааныг “Хүүхдийн эндэгдэл, өвчлөлөөс урьдчилан сэргийлэх, халдварт болон халдварт бус өвчний эрт илрүүлэг, НЭМ-ийн тусламж үйлчилгээ” сэдвээр, Соёлын төвүүдийн салбар хуралдааныг “Үзвэр үйлчилгээний чанар, хүртээмжийг сайжруулах арга зүй” сэдвүүдээр хэлэлцүүлж ЕБС-ийн тэргүүн туршлагаар 4 /Улаангом сумын 6-р сургуулийн “Болзол дэвшүүлэн үр дүнд хүргэх аргазүй”, Цогцолбор 2-р сургуулийн дотуур байр, Тэс сумын ЕБ-ын 3-р сургуулийн дотуур байр, Зүүнхангай сумын ЕБС-ийн дотуур байр, Хяргас сумын ЕБС-ийн дотуур байр/, СӨБ-ын тэргүүний туршлагаар 2 /Улаангом сумын 5-р цэцэрлэгийн “Сургуульд бэлтгэгдсэн байдлыг үнэлэх арга зүй”, Улаангом сумын 1-р цэцэрлэгийн “Төсөлт тоглоомын арга зүй”/, ЭМТ-ийн тэргүүн туршлагаар 3 /Малчин сумын “Мобайл технологи”, Хяргас сумын “Мини аптек”, Зүүнговь сумын “Нийгмийн ЭМ-ийн хавтас”/, Соёлын төвийн тэргүүн туршлагаар 2/ Зүүнговь сумын Танайд хоноё, таны санал, бодлыг сонсъё, Төрийн үйлчилгээг багт хүргэх багийн багц үйлчилгээ, Хяргас сумын “Оюуны витамин ном унших аян”/ нийт 12 тэргүүн туршлагыг шалгаруулан батламж олголоо.
