.jpg){kind=logo}
Хурлаар ажлын хэсгийн ахлагч Засаг даргын Орлогч Ж.Лхагвасүрэн олон нийтийн хэлэлцүүлгийг дүүргийн болон хороодын хэмжээнд зохион байгуулах талаар ажлын хэсгийн гишүүдтэй санал солилцож үүрэг даалгавар өгөв.
Чингэлтэй дүүрэгт Үндсэн хуулийн нэмэлт, өөрчлөлтийн төслийн олон нийтийн нэгдсэн хэлэлцүүлэг энэ сарын 24-нд, 19 хороодын иргэдийн дунд энэ сарын 25-аас 28-ны хооронд зохион байгуулагдахаар төлөвлөгдөөд байна.
Мөн үеэр ажлын хэсгийн ахлагч Засаг даргын Орлогч Ж.Лхагвасүрэн Үндсэн хуульд оруулах нэмэлт, өөрчлөлтийн төслийн талаар иргэдийн саналыг авах, хэлэлцүүлэг зохион байгуулах журмын талаар танилцууллаа. Журамд хэлэлцүүлэгт оролцогсдод урьдчилсан болзол тавихгүй байх, хэлэлцүүлэг олон нийтэд нээлттэй байх, аймаг, нийслэл, сум, дүүрэг, баг, хорооны төлөөллийг бүрэн хамруулсан байх, оролцогчдын үндэс угсаа, хэл, нас, хүйс, нийгмийн байдал, ажил, албан тушаал, боловсролын тэнцвэртэй харьцааг хангасан байх, хэлэлцүүлгийн үр дүнг үндэслэн Үндсэн хуульд оруулах нэмэлт, өөрчлөлтийн төсөлд саналуудыг тусгах, эсэхийг төслийг боловсруулах Ажлын хэсэг шийдвэрлэх зэрэг зарчмууд багтжээ.
