Өмнөговь аймгийн "2016 оны орон нутгийн төсөв, орон нутгийн хөгжлийн сангийн хөрөнгөөр хэрэгжүүэх хөрөнгө оруулалт" сэдэвт нээлттэй хэлэлцүүлэг 2015.09.24-ний өдөр Нутгийн Удирдлагын ордны "Сүлд" танхимд боллоо.
Хэлэлцүүлэгт төрийн болон төрийн бус байгууллагын төлөөлөл, Даланзадгад сумын багуудын төлөөлөл болох 50 гаруй иргэн оролцлоо.
Оролцогчид сэдэвтэй холбоотой нилээд олон санал санаачлагуудыг гаргасан бөгөөд эдгээр саналуудыг аймгийн Засаг даргын захирамжаар байгуулагдсан ажлын хэсэг нэгтгэн аймгийн ИТХ-ын Тэргүүлэгчдэд танилцуулан холбогдох шийдвэр гарах юм.