.jpg){kind=logo}
Аймгийн иргэдийн Төлөөлөгчдийн Хурлын хороо нь ИТХ-ын тасралтгүй, байнгын үйл ажиллагааг хангах, ИТХ-ын тогтоол, шийдвэрийн биелэлтийг хянан шалгах чиг үүргийнхээ хүрээнд хорооны ажлын төлөвлөгөө гарган хэрэгжүүлж ажилладаг билээ. Нийгэм, цахим бодлогын хөгжлийн хороо нь 2023 оны ажлын төлөвлөгөөний дагуу 2023.09.18-ны өдөр хуралдаж, нийгмийн салбарын дараах асуудлуудыг хэлэлцлээ.
1. Говийн оюу ХДС, НҮБ-ын Хүүхдийн сан, НҮБ-ын Хүн амын сан хамтран хэрэгжүүлэх “Өмнөговь аймгийн хүн амын эрүүл мэнд, боловсролыг дэмжих нэгдсэн төсөл”-ийн талаарх танилцуулга, мэдээлэл
2. Нийгмийн салбарт хэрэгжиж буй хөтөлбөрүүдийн явцын хэрэгжилт
3. Орон нутгийн хэрэгцээт боловсон хүчний хангамжийг нэмэгдүүлэх зорилготой оюутан суралцагчдын тэтгэлэгт хөтөлбөрийн хэрэгжилт
4. Зорилтот бүлгийн иргэдийн амьдрах орчин, амьдралын чанарыг сайжруулах чиглэлээр хийгдсэн ажил, арга хэмжээний явц, хэрэгжилт
5. Гэр бүл, эмэгтэйчүүд, хүүхэд хамгааллын үйл ажиллагааны чиглэлээр хийгдсэн ажил арга хэмжээний явц, хэрэгжилт
6. Ахмад настан, 40-өөс дээш настай иргэд, хөгжлийн бэрхшээлтэй, зорилтот бүлгийн иргэдийн хөдөлмөр эрхлэлт, хөгжил хамгааллын чиглэлээр хийгдсэн ажил, арга хэмжээ
7. “Хүүхдэд ээлтэй орон нутаг” төслиийн явц, хэрэгжилт
