Өмнөговь аймгийн төв Даланзадгад хотын хөгжлийн ерөнхий төлөвлөгөө боловсруулах” ажлыг “Аркетайп Монголиа” ХХК 2015 онд хийж гүйцэтгэн ИТХ-ын Тэргүүлэгчдийн хурлын 66 дугаар тогтоолоор батлагдсаны дагуу Даланзадгад сумын хэмжээнд томоохон бүтээн байгуулалтыг хийхээр төлөвлөж байна.

Ерөнхий төлөвлөгөөний дагуу цэвэрлэх байгууламж, ашиглалтын шаардлага хангахгүй нийтийн орон сууцныг дахин төлөвлөх, хатуу хучилттай автозам, явган зам, инженерийн шугам сүлжээний төлөвлөлт зэрэг томоохон бүтээн байгуулалтын ажил хийгдэх боломж бүрдсэн юм. 

Өмнөговь аймгийг 2016-2020 хүртэл хөгжүүлэх аймгийн Засаг даргын "Бид хамтдаа" хөтөлбөртэй Даланзадгад сумын хөгжлийн ерөнхий төлөвлөгөөг уялдуулан томоохон төсөл арга хэмжээг хэрэгжүүлж ажиллаж байна.